Foyda va zararlar hisoboti (P&L)

Hisobot davr ichida qancha ishlanganini ko'rsatadi: tushum minus tannarx, minus kategoriyalar bo'yicha xarajatlar — sof foyda chiqadi. Sof foydadan pastda — biznes egasi olgan pul (dividendlar) va biznesda qolgan foyda.

Hisobot to'g'ri chiqishi uchun uni bir marta sozlash kerak: har bir xarajat moddasiga kategoriya tanlanadi. Qanday qilish — Sozlash bo'limida.

Qayerda joylashgan

Moliya → Foyda va zararlar hisoboti

Hisobot tarkibi

Qator	Raqamlar qayerdan olinadi
Tushum	Davrdagi yopilgan cheklar: mahsulot savdosi, yetkazib berish, xizmat haqi, ustama, minus chegirmalar. Nol qatorlar ko'rsatilmaydi.
Tannarx	Sotilgan mahsulotlarning texkarta va ombor bo'yicha tannarxi, hisobdan chiqarish (buzilgan), hamda «Ombordan tashqari mahsulot va qadoq» kategoriyasidagi moddalar.
Yalpi foyda	Tushum − tannarx.
Operatsion xarajatlar	Moddalar bo'yicha xarajatlar, kategoriyalarga guruhlangan. Har bir kategoriya ochilib, moddalari ko'rinadi.
Asosiy faoliyat foydasi	Yalpi foyda − operatsion xarajatlar.
Boshqa daromadlar	Hisobot hisobi «Прочие доходы» bo'lgan «Daromad» turidagi moddalar.
Sof foyda	Asosiy faoliyat foydasi + boshqa daromadlar.
Dividendlar / egasining olgan puli	Biznes egasi olgan pul: hisobot hisobi «Изъятия капитала (дивиденды собственника)» bo'lgan moddalar.
Taqsimlanmagan foyda	Sof foyda − dividendlar: biznesda qolgan pul.
Foydani sheriklar o'rtasida taqsimlash	Sheriklarga ulush berilgan bo'lsa chiqadi. Har biri bo'yicha: tegishli, berilgan, qoldiq. Sheriklar va ulushlar ga qarang.
Kontragentlar bilan hisob-kitob	Ma'lumot uchun, foydaga ta'sir qilmaydi: ta'minotchilarga to'lov, oylik to'lovi, mijoz va tashkilotlar qarzi.

Hisobotdagi xarajat sanasi — operatsiya o'tkazilgan sana. Davr va savdo nuqtasi Filtrda tanlanadi. Excel tugmasi hisobotni barcha darajalari bilan yuklab beradi.

Xarajat kategoriyalari

Kategoriya — hisoblar rejasidagi «Прочие расходы (2.04)» ichidagi hisob. Kategoriyalar barcha korxonalar uchun yaratilgan, o'zingiz yaratishingiz shart emas.

Kod	Hisobotdagi kategoriya	Qaysi moddalarni shu yerga qo'yish kerak
2.04.01	Xodimlar xarajatlari	Premiyalar, bonuslar, xodimlar ovqati va taksisi, mardikorlar — «Oylik» sahifasidan tashqari to'lanadigan hamma narsa.
2.04.02	Operatsion xarajatlar	Elektr, gaz, suv, internet, aloqa, tozalash, chiqindi, mayda ta'mir.
2.04.03	Ma'muriy xarajatlar	Buxgalteriya, yurist, dasturlar va obunalar, kanselyariya.
2.04.04	Marketing va reklama	Reklama, target, SMM, blogerlar, aksiyalar, dillerlarga bonus.
2.04.05	Ijara	Zal, ombor, qo'shimcha joylar ijarasi.
2.04.06	Soliqlar va majburiy to'lovlar	Aylanma solig'i, QQS, litsenziyalar, davlat jarimalari.
2.04.07	Jihozlar va amortizatsiya	Jihozlarni sotib olish va ta'mirlash, ehtiyot qismlar, mebel, texnika.
2.04.08	Moliyaviy xarajatlar	Bank va ekvayring komissiyalari, kredit foizlari.
2.04.09	Ombordan tashqari mahsulot va qadoq	Omborga kirim qilinmasdan sotib olingan mahsulot va qadoq. Xarajatga emas, tannarxga tushadi.
2.04	Boshqa xarajatlar	Kategoriya tanlanmagan hamma moddalar. Hisobotda doim oxirida, «moddalarni taqsimlang» izohi bilan.

O'z kategoriyalaringiz

Kategoriyalar ro'yxatini to'ldirish mumkin. Moliya → Hisoblar sahifasida hisob yarating va Kategoriya maydonida «Прочие расходы (2.04)» ni tanlang — P&L da shu hisob nomi bilan qator paydo bo'ladi. Tayyor kategoriya ichida yaratilgan hisob (masalan, «Ijara» ichida «Ombor ijarasi») o'sha kategoriyaga tushadi.

Alohida, «Kapital» bo'limida:

Kod	Hisob	Qaysi moddalarni shu yerga qo'yish kerak
3.02	Изъятия капитала (дивиденды собственника)	Egasi yoki sherik oladigan pul. Hisobotda — sof foydadan pastda.

Sozlash

Bir marta sozlanadi, keyin kassir avvalgidek ishlaydi — faqat moddani tanlaydi.

1. Moddalarni kategoriyalarga taqsimlang

1. Sozlamalar → Kirim / Chiqim (moddalar ma'lumotnomasi) ga kiring.
2. «Chiqim» turidagi har bir modda uchun Tahrirlash ni bosing.
3. Hisobot hisobi maydonida yuqoridagi jadvaldan kategoriyani tanlang, masalan «Аренда (2.04.05)».
4. Saqlash ni bosing.

Kategoriya moddada saqlanadi, shuning uchun hisobot o'tgan davrlar uchun ham qayta hisoblanadi: shu moddadagi eski xarajatlar darhol kerakli qatorga tushadi.

Yangi moddani darhol kategoriya bilan yarating — aks holda u «Boshqa xarajatlar»ga tushadi.

2. Egasining puli uchun modda yarating

Egasi biznesdan oladigan pul — bu dividendlar: ular sof foydadan to'lanadi va hisobotda undan pastda turadi, foydani kamaytirmaydi.

Agar egasi bitta bo'lsa:

1. Modda yarating, masalan «Dividend».
2. Turi — «Chiqim».
3. Tranzaksiya hisobi — pul haqiqatda olinadigan joy: kassa, seyf yoki karta.
4. Hisobot hisobi — «Изъятия капитала (дивиденды собственника) (3.02)».

Agar egalari bir nechta bo'lsa va sof foyda ular o'rtasida bo'linsa (masalan, 30/70):

1. Har bir sherikka hisob oching va ulushini kiriting — Sheriklar va ulushlar ga qarang.
2. Har bir sherik uchun alohida modda yarating: «Dividend Aziz», «Dividend Bobur».
3. Tranzaksiya hisobi — kassa, seyf yoki karta; Hisobot hisobi — shu sherik hisobi («Aziz»).

Hisobot har biriga sof foydadan qancha tegishli, qancha berilgan va qancha to'lanishi kerakligini ko'rsatadi. Bir nechta sherik uchun bitta umumiy «Dividend» moddasi to'g'ri kelmaydi: undan pul kimga ketgani ko'rinmaydi.

Modda maydoni	Nima tanlanadi
Tranzaksiya hisobi	Pul qayerdan chiqadi: kassa, seyf, karta
Hisobot hisobi	Kimga yoki nimaga: sherik hisobi, xarajat kategoriyasi yoki «Задолженность …»

Egasining pulini oylik sifatida o'tkazmang

Agar egasiga pul «Oylik» moddasi orqali berilsa, u xarajat sifatida foydani kamaytiradi, vaholanki bu allaqachon ishlangan foydani taqsimlash. Hisobotdagi foyda kam ko'rinadi.

3. Hisob-kitob moddalariga tegmang

Ta'minotchilarga to'lov, oylik to'lovi, mijoz va tashkilotlar qarzi moddalarining hisobot hisobi — «Задолженность …» (4-bo'lim). Ularni o'zgartirish shart emas: bu xarajat emas, qarzni to'lash. Ular «Kontragentlar bilan hisob-kitob»da ma'lumot uchun ko'rsatiladi.

Nega: mahsulot hisobotga sotilgan paytda tannarx sifatida tushadi, ta'minotchiga to'lov esa faqat qarzni yopadi. Agar to'lovni xarajatga qo'ysangiz, bitta mahsulot ikki marta hisoblanadi.

Sheriklar va ulushlar

Agar biznesda bir nechta egasi bo'lsa va foyda, masalan, 30/70 bo'linsa, hisobot har biriga qancha tegishli ekanini va qanchasini olganini hisoblaydi.

1. Moliya → Hisoblar sahifasida har bir sherik uchun hisob yarating. Kategoriya maydonida «Изъятия капитала (дивиденды собственника) (3.02)» yoki «Капитал» bo'limidagi boshqa hisobni tanlang.
2. Savdo nuqtasini tanlang, sherik hisobi yonidagi qalamchani bosing va Foydadagi ulush, % ni kiriting. Ulush har bir nuqta uchun alohida. Nuqta bo'yicha ulushlar yig'indisi 100% dan oshmasin.
3. Har bir sherik uchun xarajat moddasini yarating (masalan, «Dividend Aziz»), hisobot hisobi — shu sherik hisobi. Sherikka pulni shu modda bilan bering.

Hisobotda taqsimlanmagan foydadan keyin blok chiqadi:

Qator	Qanday hisoblanadi
Tegishli	Davrdagi sof foyda × sherik ulushi.
Berilgan	Davr ichida sherik hisobiga moddalar bilan to'lovlar.
To'lanishi kerak	Tegishli − berilgan. Minus — sherik davr uchun tegishlidan ko'p olgan.

Hammasi tanlangan davr uchun hisoblanadi. Yig'ma natijani ko'rish uchun — ish boshidan beri qancha tegishli va qancha berilgan — filtrda nuqta ochilgan sanadan boshlab davrni tanlang.

Hisobotdagi oylik

Xodimlar xarajatlari → Oylik (hisoblangan) qatori Oylik sahifasidan olinadi — davr uchun «Hisoblangan» ustuni: oklad, smenalar, KPI, plyus bonuslar, minus jarimalar. To'langan oylik hisobotga kirmaydi, shuning uchun:

• to'lanmagan oylik allaqachon hisobga olingan — foyda uni ayirib ko'rsatiladi;
• hisobotdagi summa davrdagi to'lovlardan farq qilishi mumkin: to'lovlarga avanslar va o'tgan oy qarzi kiradi.

Qator to'g'ri chiqishi uchun har bir xodimga to'lov turi va stavka belgilangan bo'lishi kerak. Xodimga oklad berilmagan bo'lsa, unga pul to'lansa ham hisoblangan summa nol bo'ladi.

Ko'p uchraydigan xatolar

Hisobotda nima ko'rinadi	Sababi	Nima qilish kerak
Katta «Boshqa xarajatlar» qatori	Moddalarga kategoriya tanlanmagan	Sozlash, 1-qadam.
Hisobotdagi oylik to'langandan kam	To'lovlarga o'tgan oy qarzi, avanslar, egasining puli kiradi; ba'zi xodimlarda stavka yo'q	«Oylik» sahifasida stavkalarni tekshiring, egasining pulini 3.02 moddasi bilan o'tkazing.
Foyda kam ko'rinadi	Jihoz sotib olish oy xarajati sifatida o'tkazilgan	Hozircha shunday hisoblanadi — jihozlar «Jihozlar va amortizatsiya» kategoriyasida. Xizmat muddati bo'yicha taqsimlash hozircha yo'q.
Mahsulot ikki marta hisoblangan	Xarid omborga kirim qilingan va «Ombordan tashqari mahsulot» kategoriyasidagi modda bilan to'langan	Omborga kirim qilingan mahsulot uchun ta'minotchi moddasi bilan to'lang.